8 (7172) 72-57-89
Байланыс
nnpcfk2020@yandex.kz
E-mail
Түркістан 8/2, 12 қабат
Астана қ.
МЕКТЕП ОҚУШЫЛАРЫНЫҢ XII ЖАЗҒЫ ГИМНАЗИАДАСЫ БАСТАЛДЫ
- Қаралды: 165
МЕКТЕП ОҚУШЫЛАРЫНЫҢ XII ЖАЗҒЫ ГИМНАЗИАДАСЫ БАСТАЛДЫ
ҚР Оқу-ағарту министрлігінің қолдауымен, Ұлттық ғылыми-практикалық дене тәрбиесі орталығының ұйымдастыруымен Алматы қаласында оқушылардың XII жазғы гимназиадасының ашылу салтанаты өтті.
Салтанатты шараны Орта білім беру комитетінің төрағасы Қаныбек Жұмашев өз құттықтауымен ашып, балалар мен жасөспірімдер спортын дамытудың маңызды екенін атап өтті.
Мемлекет басшысының балалар спортына айырықша қолдау білдіруін жеткіншектеріміздің байрақты бәсекелерде топ жарып, жеңіс тұғырынан көптеп көрінуінен байқауға болады.
Гимназияда 2 маусым – 28 тамыз аралығында Астана, Алматы, Шымкент қалаларында, Ақтөбе, Қостанай, Павлодар, Түркістан, Батыс Қазақстан, Шығыс Қазақстан, Ақмола және Алматы облыстарында өтеді.
Жиыны бес мыңнан астам оқушы жалпы сайыстың 52 түрінен және спорттық 23 түрі бойынша өзара мықтыны анықтайды. Сайыстардың қатарында үстел теннисі, футбол, регби, бадминтон, спорттық бағдарлау, корабль құрастыру, ұлттық спорт түрлері және т.б. бар.
Дүбірлі сайысқа еліміздің түкпір-түкпірінен келген спортшылар гимназияда аясында тек сайыс көрігін қыздырып қана қоймай, өзара достық, командалық рух аясында тәрбиеленіп, жеңіске деген ынталары арта түспек.
Гимназияда – оқушылардың салауатты өмір салтын ұстануын дәріптей отырып, олардың туған жеріне деген сүйіспеншілігін қалыптастыруды мақсат етеді.