ҚР Оқу-ағарту министрлігі Ұлттық ғылыми-практикалық дене тәрбиесі орталығының ұйымдастыруымен өткізіліп отырған Ұлттық мектеп лигасы Қызылорда қаласында жалғасуда.

9-11 сынып оқушылары арасында

«Былғары доп» – футбол, «Шұбар доп» – волейбол, «Ұшқыр доп» – гандбол, «Алтын доп» – баскетбол, «Теңбіл доп» – футзал, «Ақбозат» – шахмат, тоғызқұмалақ, жеңіл атлетикалық кросс, үстел теннисі, асық және бес асық спорт түрлерінен республикалық ақтық кезең жарыстары өткізілуде.

Спорт мектеп оқушыларының өмірінде маңызды рөл атқарады, өйткені олар осындай жарыстарға қатысу арқылы командалық рухты және өзіне деген сенімділікті дамытып, өз өңірінің намысын қорғап, спорттық қабілеттерін шыңдай түседі.

Қызылорда қаласындағы Еуразия спорт кешенінде, Локомотив стадионында, «Мұз айдыны» спорт кешенінде, «№2 Облыстық олимпиадалық резервтің мамандандырылған балалар-жасөспірімдер мектебінің базасында өткізіліп отырған сайыстарға мектепішілік, аудандық, қалалық, облыстық іріктеу жарыстарынан жеңімпаз атанған үздік командалар қатысуда.

31 шілдеде аяқталатын Ұлттық мектеп лигасының жарыстарында төрешілер үздіктерді анықтайтын болады.