Ұлттық ғылыми-практикалық дене тәрбиесі орталығының ұйымдастыруымен 24 қыркүйекте Щучинск қаласы «Bai-Bura» курорттық аймағының базасында 5-11 сынып окушылары арасында спорттык бағдарлау бойынша республикалық турнир (ұлдар,қыздар) басталды.

Мандаттық комиссияның ұйғаруымен жарысқа еліміздің 6 өңірінен 82 оқушы қатысуда.
1) Алматы қаласы - 16 оқушы;
2) Ақмола облысы - 12 оқушы;
3) Солтүстік Қазақстан облысы - 9 оқушы;
4) Маңғыстау облысы - 13 оқушы;
5) Атырау облысы - 16 оқушы;
6) Батыс Қазақстан облысы - 16 оқушы.

4 күн ішінде көркем табиғат аясында өткізілетін спорттық бағдарлау сайысында өңірлерден келген батыл әрі қайсар мінезді оқушылар сайыстың 4 түрі: 1) орта қашықтықа, 2) ұзақ қашықтықа, 3) эстафета
4) спринт бойынша өздерінің физикалық дайындықтары мен шеберліктерінен сынға түседі.

Спорттық бағдарлау сайысында бірінші болу ғана емес, барлық тапсырмалардың дұрыс орындалуы маңызды.

Қатысушыларға сәттілік тілейміз!