Білім және ғылым министрлігі Ұлттық ғылыми практикалық дене тәрбиесі орталығы мектеп оқушылары арасында 10 спорт түрінен Ұлттық мектеп лигасы жобасын жыл сайын өткізіп келеді.

Мектепішілік, аудан мен қалалық, облыстық кезеңде үздік өнер көрсетіп, жеңімпаз атанған оқушыларға республикалық лига ойындарында сайысуға мүмкіндік жасайды.

Ұлтымыздың асыл қазынасы - ұлттық ойындарымыз жас ұрпақты ақылдылыққа, тапқырлыққа, шапшаңдыққа баулитыны мәлім. Солардың ішінде бас асық, асық ату, тоғызқұмалақ ойындары Ұлттық мектеп лигасының бағдарламасына енгізілген.

Ұлттық мектеп лигасы аясында Тоғызқұмалақтан республикалық жарысқа 15 өңірден командалардың келгені көңіл қуантады, 200-ге жуық оқушы өз аймағы үшін сайысқа түсті. Додаға Батыс Қазақстан мен Қостанай облыстары қатыспады.