Ұлттық ғылыми-практикалық дене тәрбиесі орталығының ұйымдастыруымен өтіп жатқан республикалық Ұлттық мектеп лигасы жарыстары жалғасуда.

Өскеменде Ұлттық мектеп лигасы аясында баскетболдан «Алтын доп» жарысы басталды. Жарысқа 7-8 сынып оқушылары қатысуда.

Ұлдар арасында 12 командадан (Қарағанды, Қызылорда, Ақтөбе, Түркістан, Шымкент, Солтүстік Қазақстан, Қостанай, Павлодар, Нұр-Сұлтан, Батыс Қазақстан, Шығыс Қазақстан, Жамбыл) 109 оқушы, қыздар арасында 8 командадан (Қарағанды, Қызылорда, Ақтөбе, Шығыс Қазақстан,  Солтүстік Қазақстан, Түркістан, Павлодар, Жамбыл) 78 оқушы бақтарын сынап жатыр.