Дене шынықтыру мұғалімдері 2022-2023 жаңа оқу жылындағы Ұлттық мектеп лигасының 1-кезеңі мектепішілік іріктеу кезеңдерін өткізуде.

Оқу жылының 1-тоқсанында ұстаздар барлық баланың сабақ процесінде үйренген спорттық дағдыларын басқа сыныптың оқушыларымен сайысқа түсу арқылы жетілдіріп, дамытуға әрі бекітуге мүмкіндік жасайды.

Жеңіске ұмтылған оқушылар іріктеліп алдағы кезеңдерге дайындалып, үлкен жеңістерге бір табан жақындай түседі. Спорттық ойындар арқылы баланың бойына ерік-жігер, тәртіп сынды өмірлік маңызды қасиеттерді дарытып жүрген ұстаздарға үлкен алғысымызды айтамыз! Сіздер шәкірттердің тұлғалық дамуына зор үлес қосып жүрсіздер!

Жұмыстарыңыз жемісті болсын, ардақты ұстаздар қауымы! Жеңісті күндерде жолыққанша!