Бүгін Қазақстан Республикасы Оқу-ағарту министрлігінің Ұлттық ғылыми-практикалық дене тәрбиесі орталығының бастамасымен  ҚР Мәдениет және спорт министрлігі, облыстық спорт, білім басқармалары, аймақты дене тәрбиесі орталықтары, спорт түрлері бойынша федерация өкілдерімен онлайн жиналыс өтті.

Сондай-ақ, онлайн мәжіліске Қазақстан Республикасы Мәдениет және спорт министрлігі Спорт және дене шынықтыру істері комитеті төрағасының орынбасары Бекболат Құстүтінұлы, Қазақстан Республикасы Оқу-ағарту министрлігі Қосымша білім беру департаментінің директоры Аман Бақтыбайұлы қатысты.

Жиында 2023 жылғы жарыстарды өткізу мәселелері және ағымдағы актуалды сұрақтар қарастырылды: ХІ жазғы мектеп оқушылар гимназиадасы, Ұлттық мектеп лигасы, республикалық турнирлер мен жарыстарды жоғары деңгейде ұйымдастыру, мектеп оқушылары арасында спортты бұқаралық сипатта дамытуға одан әрі мүмкіндік жасау, оқушылардың қауіпсіздігі туралы айтылды.