2023 жылғы 23 мамырда ҚР Оқу-ағарту министрлігі Ұлттық ғылыми-практикалық дене тәрбиесі орталығының бас директоры С. Садыков оқыту сапасын, педагогтердің курсқа қатысуын зерделеу мақсатында сабаққа қатысып, педагогтермен пікір алмасты.

Астана қаласында «Мектепке дейінгі білім беру педагогтерінің, тәрбиешілері мен дене шынықтыру нұсқаушыларының кәсіби құзыреттілігі мен дағдыларын дамыту» атты біліктілікті арттыру курсы ағымдағы жылдың 15 мамырында басталды.️ Біліктілік арттыру курсында тәжірибелі лектор-жаттықтырушылар мектепке дейінгі тәрбиедегі нормативтік құжаттар мен білім берудегі жаңаша бағыттарды, нақты озық технологияларды теориялық және практикалық бағытта ұсынуда. Мектепке дейінгі білім беру ұйымдарында дене шынықтыруды әртүрлі әдістер мен тәсілдерді қолдана отырып өткізудегі инновациялық технологиялардың түрлері мен оны тәжірибеде қолданылуы жөнінде кеңінен түсіндіріліп, курсқа қатысушылар бір-бірімен тәжірибе алмасуда.