Жобаның мақсаты Қазақстанда СДТ саясатын ілгерілету болып табылады. Жобаны Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі Ұлттық комиссия қолдады. Жобалық қызмет, оның ішінде, СДТ саясатын іске асыруға қатысы бар мүдделі тараптардың барлық топтарының қатысуын және тартылуын қамтамасыз етуге бағытталған және бұл іс-шара осы бағытта маңызды болып табылады.

Іс-шараның мақсаты: сапалы дене тәрбиесі саласындағы саясат бойынша ЮНЕСКО әдіснамасымен танысу; СДТ ұлттық саясатын әзірлеу шеңберінде дене тәрбиесін нығайту жөніндегі іс-шараларды талқылау.

Іс-шараға қатысушылар: ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның өкілі; жобаның техникалық жұмыс тобының мүшелері; "Ұлттық ғылыми-практикалық дене тәрбиесі орталығы" РМҚК; білім; денсаулық сақтау, жұмыспен қамту және әлеуметтік бағдарламалар басқармаларының өкілдері; Оқу-ағарту, Ғылым және жоғары білім қызметкерлерінің Қазақстандық салалық кәсіподағының өкілдері; Қазақстан, Қырғызстан, Тәжікстан және Өзбекстан бойынша ЮНЕСКО-ның Алматыдағы Кластерлік бюросының өкілі; әйелдер мен балалардың әлеуметтік және экономикалық құқықтарын қорғау саласында өз қызметін жүзеге асыратын өңірлік ҮЕҰ өкілдері.