2024 жылғы 24 мамырда Шымкент қаласында және Шығыс Қазақстан облысында «Мектепке дейінгі білім беру педагогтерінің, тәрбиешілері мен дене шынықтыру нұсқаушыларының кәсіби құзыреттілігі мен дағдыларын дамыту» атты біліктілікті арттыру курсы аяқталды. Бұл курс педагог нұсқаушылар үшін жаңа білім мен дағдыларды алу ғана емес, сонымен қатар кәсіби шеберліктерін жетілдіру мүмкіндігі болды.

Дене шынықтыру педагогтеріне курс барысында мектепке дейінгі білім беру ұйымдарында дене шынықтыру сабағын дұрыс ұйымдастыру, тиімді жаттығу бағдарламаларын құрастыру және бүлдіршіндерді нәтижеге жетуге ынталандыру жөнінде әдістемелік кеңестер берілді. Яғни, курс қатысушылары оқытудың заманауи әдістерін үйренді, әртүрлі жас топтарымен жұмыс істеудің құнды тәжірибесін алды.