Республикалық XII жазғы Гимназиадасының бірінші аптасында 1284 мектеп оқушысы, сонымен қатар, Ұлттық мектеп лигасында 462 оқушы қатысып, жеке және командалық форматта өз шеберліктерін көрсетті.

Бұқаралық дене шынықтыру мен спортты одан әрі дамыту, оқушылар арасында патриоттық тәрбиені күшейту, салауатты өмір салтын насихаттау; Дүниежүзілік жазғы гимназиадаға және басқа да халықаралық жарыстарға қатысу үшін мектеп оқушыларынан тұратын дарынды әрі шебер құрама командаларын жасақтау мақсатында өткізіліп отырған Қазақстан оқушыларының ХІІ жазғы Гимназиадасы ағымдағы жылдың 28 тамызына дейін жалғасады.

Жалпы орта білім беру ұйымдарындағы білім алушыларды дене шынықтырумен және спортпен жүйелі түрде айналысуға тарту, ұлттық және бұқаралық спорт түрлерінен шеберліктерін көрсете алатын дарынды балаларды анықтау мақсатында өткізіліп отырған Ұлттық мектеп лигасы ағымдағы жылдың 31 шілдесіне дейін жалғасады.

Өскеменде Қазақстан оқушыларының XII жазғы Гимназиадасы аясында жеңіл атлетика жарыстары аяқталды. Қатысушылар 100, 200, 400, 800, 1500 метр, сондай-ақ екі, үш және он километр қашықтықтарға жарысты. Бұдан бөлек, ұзындыққа секіру және найза лақтыру, биіктікке секіру, үш қарғып секіру, ядро серпу, диск лақтыру және 4х100 метрлік эстафета бойынша ұлдар мен қыздар арасында жарыстар өтті.

Аймақтар бойынша жарыс нәтижелері:

Ұлдар арасында:

- I орын: Шығыс Қазақстан облысы

- II орын: Жамбыл облысы

- III орын: Алматы облысы

Қыздар арасында:

- I орын: Алматы облысы

- II орын: Шығыс Қазақстан облысы

- III орын: Маңғыстау облысы

Барлық қатысушылар мен жеңімпаздарды жарыстың сәтті аяқталуымен құттықтаймыз!

Павлодарда 13-15 жас аралығындағы оқушылар арасында волейбол (қыздар), гандбол (ұлдар), баскетбол (қыздар) және мини-футбол (ұлдар) бойынша Қазақстан оқушыларының XII жазғы Гимназиадасы мәресіне жетті.

Волейбол (қыздар):

Жарысқа 7 команда қатысты. Нәтижелер келесідей:

- I орын: Павлодар облысы

- II орын: Жамбыл облысы

- III орын: Маңғыстау облысы

Гандбол (ұлдар):

Жарысқа 7 команда қатысты. Нәтижелер келесідей:

- I орын: Павлодар облысы

- II орын: Қызылорда облысы

- III орын: Жамбыл облысы

Баскетбол (қыздар):

Жарысқа 7 команда қатысты. Нәтижелер келесідей:

- I орын: Павлодар облысы

- II орын: Ақтөбе облысы

- III орын: Жамбыл облысы

Мини-футбол (ұлдар):

Жарысқа 7 команда қатысты. Нәтижелер келесідей:

- I орын: Павлодар облысы

- II орын: Жамбыл облысы

- III орын: Жетісу облысы

9 маусым күні Абай облысы Семей қаласында 5-6 сынып оқушылары арасында ұлттық мектеп лигасы аясында «Шұбар доп» жарысы аяқталды.

Турнирге 18 командадан 260 ұл бала және 16 командадан 192 қыз бала қатысты. Жарыс 4 маусымда басталды.

Жарыстың нәтижелері:

Қыздар арасында:

І орын - Түркістан облысы;

ІІ орын - Астана қаласы;

ІІІ орын - Шығыс Қазақстан облысы.

Ұлдар арасында:

І орын - Жетісу облысы;

ІІ орын - Ақтөбе облысы;

ІІІ орын - Шығыс Қазақстан облысы.