Бұл экскурсия балаларға Қазақстанның дамуындағы маңызды жобалармен және ғылыми-технологиялық жетістіктермен танысуға мүмкіндік берді. Экспо көрмесіндегі экскурсия барысында оқушылар Қазақстанның ғылыми және технологиялық жетістіктерімен, сондай-ақ түрлі елдердің инновациялық жобаларымен танысты. ЭКСПО павильондары мен көрме залдарында көрсетілген экспонаттар балалардың білімге деген қызығушылығын арттырып, оларды болашақ мамандықтарын таңдауға шабыттандырды. Экспо орталығында балалар энергияның жаңғыртылатын көздері, экологиялық тұрақты даму, ақылды қалалар және басқа да заманауи технологиялар туралы мағлұматтар алды.

Көне өркениеттерге, түрлі дәуірлерге арналған залдарға жасалған танымдық саяхатта ата-бабаларымыздың өмірі, олардың әдет-ғұрыптары, қолөнері және мәдениеті туралы білімдерін кеңейтіп, елімізді бүгінгі күнге жеткізген атақты тарихи оқиғалар мен тұлғалар туралы мол ақпарат алды.

Ұлттық музей өзінің интерактивті экранды ақпарат беруімен де оқушыларға ерекше әсер қалдырды.