Ұлттық ғылыми-практикалық дене тәрбиесі орталығының ұйымдастыруымен 2024 жылғы 13 мамырда Астана, Алматы, Шымкент қалаларында және Абай, Алматы, Жамбыл, Жетісу, Қарағанды, Қостанай, Қызылорда, Маңғыстау, Түркістан, Ұлытау, Шығыс Қазақстан облыстарында дене шынықтыру педагогтеріне арналған біліктілікті арттыру курсы басталды. Тыңдаушылар қатарына 820 дене шынықтыру педагогі қамтылды.

«Дене шынықтыру педагогінің кәсіби құзыреттілігін дамыту» тақырыбындағы біліктілікті арттыру курсында педагогтер 7 модуль бойынша кәсіби дағдыларын шыңдайды.

Орталықтың білікті тренер-лекторлары орта білім беру ұйымдарындағы Дене шынықтыру педагогтеріне оқу процесінде сабақты ұтымды әрі тиімді ұйымдастырудың заманауи әдістерін, ұлттық ойындарды дәріптеудің жаңаша бағыттарын, білім алушылардың физикалық дұрыс дамуының кешенді жаттығуларын теориялық және практикалық бағыттарда үйретеді

26 сәуір күні ҚР Оқу-ағарту министрлігі Ұлттық ғылыми-практикалык дене тәрбиесі орталығының ұйымдастыруымен онлайн форматта өткен «Дене шынықтыру» пәнін оқытудағы заманауи тәсілдер: құқықтық аспектілер, әдістеме және практика» атты оқыту семинары аяқталды.