Қазақстан құрамасы сапында 86 медаль жеңіп алған 104 оқушының 50-і 11-сынып түлектері. Білім және ғылым министрі Асхат Аймағамбетов Дүниежүзілік гимназиада ойындарындағы жоғары жетістіктері үшін 50 түлекке мемлекеттік білім беру грантын табыстады.
Дүниежүзілік ХІХ жазғы гимназиада ойындарында Қазақстан құрамасы үздік үштікте! Келесі жазғы гимназиада 2024 жылы Бахрейнде өтеді. Чемпиондармен кездесу рәсімінде ҚР Премьер-Министрдің орынбасары Ералы Лұқпанұлы алдағы уақытта да оқушылардың әлемдік жарыста өнер көрсетуіне мемлекеттік қолдау болатынын айтты.
Қазақстан Республикасы Білім және ғылым министрлігінің ұйымдастыруымен өтіп жатқан Ұлттық мектеп лигасы аясында футзалдан ”Теңбіл доп” жарысы басталды. Жарыс 7-8 сынып оқушылары арасында Шымкент қаласында өтуде.
Өкінішке орай, жарысқа Батыс пен Шығыс Қазақстандық оқушылар ғана қатыспады. Қалған 15 өңірдің жас футболшылары ҰЛТТЫҚ МЕКТЕП ЛИГАСЫНЫҢ ЧЕМПИОНЫ атану үшін өзара сайысқа түседі.
Білім және ғылым министрлігі Ұлттық ғылыми практикалық дене тәрбиесі орталығы мектеп оқушылары арасында 10 спорт түрінен Ұлттық мектеп лигасы жобасын жыл сайын өткізіп келеді.
Мектепішілік, аудан мен қалалық, облыстық кезеңде үздік өнер көрсетіп, жеңімпаз атанған оқушыларға республикалық лига ойындарында сайысуға мүмкіндік жасайды.