Бүгін, 22 қыркүйек күні, Алматы қаласында, Шығыс Қазақстан, Маңғыстау, Павлодар, Жетісу және Абай облыстарында дене шынықтыру пәні мұғалімдеріне арналған біліктілікті арттыру курстары басталды. Оқытуға барлығы 300 педагог қатысуда.

Курс бағдарламасы 7 модульден тұрады. Әр модуль «Дене шынықтыру» пәні бойынша теориялық білімді тереңдетуге және практикалық дағдыларды жетілдіруге бағытталған.

Курстарды Қазақстан Республикасы Оқу-ағарту министрлігі Ұлттық ғылыми-практикалық дене тәрбиесі орталығы ұйымдастыруда.

Қазақстан Республикасының Президенті Қасым-Жомарт Тоқаев өз Жолдауында жасанды интеллект саласындағы құзыреттерді қалыптастыру мектеп қабырғасынан басталуы тиіс екенін атап өтті. Осы тапсырманы орындау мақсатында Ұлттық ғылыми-практикалық дене тәрбиесі орталығы «AI SPORT» ЖШС-мен өзара ынтымақтастық туралы меморандумға қол қойды.

Ынтымақтастық балалар, жасөспірімдер мен студенттер арасында бұқаралық спортты дамытуға цифрлық технологияларды және жасанды интеллект элементтерін енгізуге бағытталған.

Құжатқа Орталықтың бас директоры Арман Ташметов пен «AI SPORT» директоры Ғабит Салтыбаев қол қойды. Меморандум аясында тараптар мынадай міндеттерді жүзеге асыруды жоспарлап отыр:

• мектеп және студенттік спортты онлайн және офлайн челлендждер, турнирлер мен марафондар арқылы дамыту;
• статистиканы есепке алу, хаттамалар жүргізу, рейтинг қалыптастыру үшін цифрлық шешімдерді енгізу;
• оқушылардың жетістіктерін бақылауда AI-талдау құралдарын пайдалану;
• жаттығу бағдарламаларына білім беру элементтерін енгізу (спорт+қазақ тілі, спорт+ағылшын тілі, спорт+математика);
• арнайы отбасылық челлендждер арқылы ата-аналар мен отбасыларды спорттық белсенділікке тарту;
• мектеп лигалары мен спорттық іс-шараларды ұйымдастыруды автоматтандыру – командаларды тіркеуден бастап жеребе тартуға дейін.

Оқушылар мен студенттер жаттығуларға қатысу, челлендждер мен турнирлерге қосылу үшін цифрлық платформа мен мобильді қосымшаға қол жеткізе алады. Бұл спортты балалар мен жастар үшін қолжетімді, ашық әрі қызықты ете түседі.

Қазақстанда алғаш рет біліктілігін арттыру курстарынан өткен дене шынықтыру мұғалімдері тек мемлекеттік үлгідегі куәлікпен ғана емес, сонымен қатар еліміздің жетекші спорт ұйымдары — Қазақстан жеңіл атлетика федерациясы мен «Қазақстан футбол федерациясы» қауымдастығынан жаттықтырушы санаты берілген сертификаттарға ие болды. Бұл құжаттар педагогтарға жаңа мүмкіндіктер ашып, кәсіби өсуіне жол береді.

Курстарды ҚР Оқу-ағарту министрлігі Республикалық мемлекеттік кәсіпорын «Ұлттық ғылыми-практикалық дене тәрбиесі орталығы» ұйымдастырды. «Дене шынықтыру мұғалімінің кәсіби құзыреттілігін дамыту» тақырыбындағы (80 академиялық сағат) бағдарлама 2025 жылғы 25 тамыз бен 5 қыркүйек аралығында онлайн-форматта өтті. Оған жалпы орта, техникалық және кәсіптік білім беру ұйымдарынан 22 педагог қатысты.

Орталықтың білім беру бағдарламалары Оқу-ағарту министрлігінің бекітуімен ресми білім беру бағдарламаларының тізіліміне енгізілген (ҚР БҒМ-нің 2020 жылғы 4 мамырдағы №175 бұйрығы).

Курс барысында тыңдаушылар нормативтік-құқықтық негіздерді, психологиялық-педагогикалық тәсілдерді, дене шынықтыруды оқытудың заманауи әдістемелерін, денсаулықты сақтау технологияларын, ерекше білім беру қажеттілігі бар балалармен жұмыс істеудің жолдарын меңгерді. Сондай-ақ мұғалімдердің цифрлық сауаттылығы мен IT-құзыреттілігін дамытуға көңіл бөлінді.

Оқыту қорытындысы бойынша барлық қатысушы қорытынды сынақтан сәтті өтіп, үш түрлі сертификат алды: Ұлттық дене шынықтыру орталығының, Қазақстан жеңіл атлетика федерациясының және Қазақстан футбол федерациясының сертификаттары.

«Бұл — мектеп спортының дамуына тың серпін беретін және дене шынықтыру мұғалімдерінің кәсіби біліктілігін мойындаудың айқын дәлелі. Енді педагогтар тек мұғалімдік құзыретпен ғана емес, спорттық федерациялар ресми растаған жаттықтырушы санатымен де жұмыс істей алады», — деді ұйымдастырушылар.

Жоба дене шынықтыру пәнін оқыту сапасын арттыруға, мұғалімдердің әдістемелік мүмкіндіктерін кеңейтуге және білім беру жүйесі мен кәсіби спорт арасындағы байланысты нығайтуға бағытталға

Бүгін ҚР Оқу-ағарту министрлігі Ұлттық ғылыми-практикалық дене тәрбиесі орталығының бас директоры Арман Ташметов пен «ALZHAN» қоғамдық қорының директоры Марат Шакиров өзара ынтымақтастық жөніндегі меморандумға қол қойды.

Құжат елдегі мектеп баскетболын дамытуға бағытталған бірлескен жұмысты көздейді.

«ALZHAN» қоры бірнеше жылдан бері баскетбол саласында әлеуметтік маңызы бар жобаларды сәтті жүзеге асырып келеді. Оның негізгі бағыттарының бірі – 5–8 сынып ұл-қыздары арасында өтетін «Alzhan League» мектептік баскетбол лигасын ұйымдастыру.

Сонымен қатар, қор баскетболдан әлемдік және құрлықтық чемпионаттар мен Дүниежүзілік гимназиада сияқты халықаралық жарыстарға қатысатын құрама командаларды жасақтау бойынша оператор мәртебесіне ие болды.

Тараптардың пікірінше, қол қойылған меморандум мектеп оқушылары арасында спортты кеңінен дәріптеуге, жас спортшыларға жаңа мүмкіндіктер ашуға және қазақстандық баскетболдың халықаралық деңгейдегі беделін арттыруға жол ашады.