Бүгін Астана қ. «Qazaqstan» жеңіл атлетикалық спорт сарайында ЮНЕСКО бағдарламасы аясында ұйымдастырылған Корея спорт ғылымы институты ғалымдарының жаһандық лекциялары басталды.

🎯 APEMS Қазақстан дене шынықтыру және бұқаралық спорт академиясының бастамасымен ұйымдастырылған іс-шараға Ұлттық ғылыми-практикалық дене тәрбиесі орталығының бас директоры А. Ташметов, бас директордың орынбасары Р. Рысбекова, ғылыми-зерттеу зертханасының жетекшісі Ф. Билибаева қатысты.

🟢 Бұл іс-шара дене шынықтыру және спорт саласындағы білім мен тәжірибе алмасудың бірегей мүмкіндігі болды.

🎯 Дәрістер барысында қатысушылар спорт ғылымы саласындағы заманауи зерттеулермен, жаттығудың инновациялық әдістерімен және дене шынықтыру жаттығуларының білім алушылардың денсаулығы үшін маңыздылығымен танысты.
✅️ Ғалымдар соңғы жетістіктерімен бөлісіп, технологияның спортқа әсері, жастар қозғалысын дамыту сияқты өзекті мәселелерді назарға алды.

ҰҒПДТО бас директоры А. Ташметов дене шынықтыру мен спортты дамытудың өзекті мәселелерін талқылау мақсатында ҚР Ұлттық спорттық студенттер одағының бас хатшысы Ж. Акедиловпен және Қазақ спорт және туризм академиясының тәрбие және спорт жұмысы жөніндегі проректоры М. Ескалиевпен кездесті.
Басқосуда дене шынықтыру мамандарының кәсіби шеберлігін арттыру, спорттық жарыстарды ұйымдастыру мен өткізу қатысты стратегиялық нақты бағыттар мен жоспар жобалары назарға алынды.

2024 жылғы 8 қазанда Ұлттық ғылыми-практикалық дене шынықтыру орталығының бас директоры А. Ташметов Қазақстан Республикасының баскетболдан Мемлекеттік жаттықтырушысы – Гайна Иван Сергеевичпен кездесу өткізді. Отырыс барысында білім беру ұйымдарында 3х3 баскетболды дамыту, өңірлердегі жаттықтырушылармен өзара тәжірибе алмасу, мектеп оқушыларын баскетбол сайысына тарту, республикалық кешенді іс-шаралар аясында 3х3 баскетболдан жарыстар өткізу, төрешілер мен жаттықтырушыларға арналған онлайн/офлайн форматта семинарлар ұйымдастыру мәселелері талқыланды.

2024 жылғы 7 қазанда Ақмола, Алматы, Атырау, Батыс Қазақстан, Жамбыл, Жетісу, Қостанай, Қызылорда, Маңғыстау, Павлодар және Солтүстік Қазақстан облыстарында дене шынықтыру педагогтеріне арналған біліктілікті арттыру курсы басталды.
Курсқа 615 тыңдаушы қатысуда.

Біліктілікті арттыру курсында Орталықтың білікті тренер-лекторлары өз білімдерімен және практикалық тәжірибелерімен бөліседі, бұл тыңдаушыларға біліктілігін арттыруға ғана емес, сонымен қатар оқу процесінде тың идеяларды енгізуге мүмкіндік береді.