«Ұлттық мектеп лигасы» аясында футболдан «Былғары доп» жарысы

Қызылорда қаласында 7-14 шілде аралығында «Локомотив» стадионында 9-11 сынып қыз балалар арасында футболдан «Былғары доп» республикалық жарысы өтуде.  Жарысқа 8 команда қатысады, жалпы қатысушылар саны 109 оқушы.

Жарысқа қатысушы командалар:

1. Қызылорда облысы – 12 оқушы
2. Атырау облысы – 12 оқушы
3. Түркістан облысы – 15 оқушы
4. Ақтөбе облысы – 18 оқушы
5. Жамбыл облысы – 15 оқушы
6. Шымкент қаласы – 12 оқушы
7. Маңғыстау облысы – 14 оқушы
8. Қарағанды облысы – 11 оқушы
 
14 шілдеге дейінгі аралықта тартысты матчтар өтіп, ойыншылардың шеберліктері мен командалық рухы сыналады.

 «Былғары доп» жарысы қатысушылардың спорттық өмірге деген қызығушылықтарын арттырып, жаңа достар табуға және футболдың қыр-сырын үйренуге тамаша мүмкіндік беред

Астана қаласында Ұлттық мектеп лигасы аясында тоғызқұмалақтан жарыс өтті

Астана қаласында Ұлттық мектеп лигасы аясында тоғызқұмалақтан жарыс өтті. Жарысқа 7-8 сынып оқушылары арасында 15 команда қатысып, барлығы 60 оқушы бақ сынасты. Жарыс спорттық шеберлікті арттыру, ұлттық ойындарды насихаттау және оқушылар арасындағы достық пен ынтымақтастықты нығайту мақсатында ұйымдастырылды.

Тоғызқұмалақ – логикалық ойлау мен стратегияны талап ететін қазақтың ұлттық ойындарының бірі. Бұл жарыс оқушылардың аналитикалық қабілеттерін дамытуға, зияткерлік деңгейін арттыруға ықпал етті. Жарыс барысында қатысушылар жоғары дайындық пен шеберліктерін көрсетіп, керемет ойындар өткізді.

Жарыс нәтижелері:

I орын: Маңғыстау облысы

II орын: Түркістан облысы

III орын: Ақмола облысы

Жеңімпаз атанған Маңғыстау облысы командасы ерекше тактикалық тәсілдерімен көзге түсті. Түркістан облысы мен Ақмола облысының командалары да жоғары деңгейде өнер көрсетіп, жүлделі орындарға ие болды.

Бұл жарыс ұлттық ойындарды жаңғыртып, жас ұрпаққа патриоттық тәрбие беруге, олардың интеллектуалды және шығармашылық қабілеттерін дамытуға үлкен үлес қосты.