Қазақстан Республикасы Спорт және туризм министрлігі Дене шынықтыру және бұқаралық спорт академиясының ұйымдастыруымен Rixos President Astana, ЖЕРҰЙЫҚ залында орта және жоғары буын басшылары мен менеджерлеріне арналған MEETING WITHOUT TIES - Болашақ спорт элитасын қалыптастыруға бағытталған "Спорттың болашағын модельдеу: көшбасшылық, психология және AI" тақырыбында интерактивті іс-шарасы өткізілуде.

🏆 ҰҒПДТО бас директоры А. Ташметов, бас директордың орынбасары Р. Рысбекова, ғылыми-зерттеу зертханасының жетекшісі Ф. Билибаева қатысып, Отандық және шетелдік сарапшылармен кездесіп, спорттық ғылыми жобаларды жүзеге асыруға қатысты өзекті мәселелерді талқылады.

Бүгін спорт индустриясын дамыту бағытында Корея спорт ғылымы институтының ғылыми қызметкері Ким Джин Кук статистикалық мәліметтерімен бөлісті.

🇰🇷 Конференцияда Корея Республикасы спорт саласының зерттеуші ғалымы спорттың түрлері бойынша ғылыми статистикалық мәліметтерді келтіре отырып, Кореяда азаматтардың денсаулығы мен дене шынықтыруын жақсартуға көмектесетін дәстүрлі және заманауи спорт түрлері белсенді дамып жатқанын атап өтті.

✅️ Ғалым өз баяндамасының қорытындысында жалпы халықты дене шынықтыру мен спорт әлеміне тарту үшін ең алдымен спорт индустриясын дамыту қажеттігін айтты.

📚 Конференция қорытындысында корея спорт ғылымы институтының президенті Сон Канён қатысушыларға сертификат табыстады.

Ұлттық ғылыми-практикалық дене тәрбиесі орталығының ұйымдастыруымен 15 қазанда Астана қаласындағы Ы. Алтынсарин атындағы Бином мектебінің оқу базасында Тоғызқұмалақ бойынша 2-11 сынып оқушылары арасында Олимпиада басталды.

🎯 Астана, ⁠Алматы қалаларынан, Ақмола, ⁠Ақтөбе, ⁠Атырау, ⁠Павлодар, Маңғыстау, ⁠Жамбыл, Жетісу облыстарынан келген және Бином мектебінің командалары бойынша жалпы саны 100 оқушы катысуда.

⚜️ Адамзаттың ой қабілетін терең дамытатын ұлттық зияткерлік ойыны Олимпиадасының ашылу салтанатына Тоғызқұмалақ федерациясының вице-президенті Ә. Тұрсын, ҚР мемлекеттік жаттықтырушысы Д. Әбдікаримов, Тоғызқұмалақ бойынша Астана қ. қамқоршылар кеңесінің төрайымы Ш. Қадырова, Ұлттық және ат спорты түрлері орталығының директоры Б. Сәбитов, ҰҒПДТО спорттық іс-шараларды өткізу, статистика және талдау бөлімінің бастығы Д. Байбосынов қатысып, қатысушыларды құттықтап, командаларға жеңіс тұғырынан көрінуге сәттілік тіледі.

Бүгін Астана қ. «Qazaqstan» жеңіл атлетикалық спорт сарайында ЮНЕСКО бағдарламасы аясында ұйымдастырылған Корея спорт ғылымы институты ғалымдарының жаһандық лекциялары басталды.

🎯 APEMS Қазақстан дене шынықтыру және бұқаралық спорт академиясының бастамасымен ұйымдастырылған іс-шараға Ұлттық ғылыми-практикалық дене тәрбиесі орталығының бас директоры А. Ташметов, бас директордың орынбасары Р. Рысбекова, ғылыми-зерттеу зертханасының жетекшісі Ф. Билибаева қатысты.

🟢 Бұл іс-шара дене шынықтыру және спорт саласындағы білім мен тәжірибе алмасудың бірегей мүмкіндігі болды.

🎯 Дәрістер барысында қатысушылар спорт ғылымы саласындағы заманауи зерттеулермен, жаттығудың инновациялық әдістерімен және дене шынықтыру жаттығуларының білім алушылардың денсаулығы үшін маңыздылығымен танысты.
✅️ Ғалымдар соңғы жетістіктерімен бөлісіп, технологияның спортқа әсері, жастар қозғалысын дамыту сияқты өзекті мәселелерді назарға алды.