Бүгін еліміздің білім беру саласының үздіктері жиналған республикалық педагогикалық тамыз саммиті өтті.
Саммитке Ұлттық ғылыми-практикалық дене тәрбиесі орталығының мамандары да онлайн түрде қатысты.

Бұл жиын педагогтер қауымдастығы үшін маңызды диалог алаңына айналып, білім беру жүйесін жетілдіру, оқушылардың дене тәрбиесін дамытудың жаңа жолдары мен әдістерін талқылауға мүмкіндік берді.

Орталық қызметкерлері өздерінің тәжірибелерімен бөлісіп, заманауи әдіснамалық ұсынымдарымен таныстыра отырып, дене тәрбиесінің сапасын арттыруға бағытталған нақты бастамаларды талқылады.

Бірінші рет дәстүрлі тамыз конференциясы халықаралық қонақтар – білім берудегі сарапшылардың қатысуымен Саммит форматында өтеді.

Биылғы жылы ол «Digital Kazakhstan: заманауи білім беру» тақырыбында оқу үдерісін цифрландыруға және әлемдік тәжірибені ескере отырып, сабақ беру процесіне жасанды интеллектті енгізу ерекшеліктеріне арналады.

Саммит аясында жасанды интеллектті қолдана отырып жасалған цифрлық өнімдердің білім беру көрмесі ұйымдастырылады.

Сондай-ақ білім беру саласындағы жетекші сарапшылардың қатысуымен пленарлық және секциялық отырыстармен қатар шеберлік сабақтары өтеді.

Iс-шара соңында білім беруді дамытуға қосқан үлесі үшін үздік педагогтер марапатталады.
Оған 500 мыңнан астам педагог офлайн және онлайн режимдерде қатысатын болады.

Саммит Оқу-ағарту министрлігінің әлеуметтік желілердегі парақшаларында тікелей эфирде көрсетіледі:

YouTube https://youtube.com/live/N4AUbx

https://youtu.be/uoglFctqJ_8?si=H6NcD0sFWQ2ePUiK 

https://youtu.be/vPfL_kznFY8?si=al0gEf9ZMPcmPyMg