Кездесу барысында Тараптар ынтымақтастықтың маңызды бағыттары мен жобалары аясында ерекше қажеттіліктері бар білім алушылардың арасында голбол спортын ұйымдастыру мен өткізу мүмкіндіктерін талқылады.

 

ҚР Оқу-ағарту министрлігі Тәрбие жұмысы және қосымша білім беру департаментінің директоры – Медетбекова Меруерт Асқарбекқызы ҰҒПДТО бас директорын тағайындау туралы Министрдің бұйрығымен таныстырып, орта білім беру ұйымдарында дене шынықтыру пәнін жаңғыртудың, дене шынықтыру педагогтерінің кәсіби шеберлігін арттырудың, оқушылардың бойында дене шынықтырумен тұрақты шұғылдануды қалыптастырудың маңыздылығына тоқталды.

 

Денсаулық пен физикалық белсенділік басымдыққа айналған кезеңде Дене шынықтыру сабағын тартымды әрі тиімді ету және оқу процесіне заманауи әдістердің енгізілуі мен инновациялық тәсілдердің қолданылуы басты рөл атқаратынын айтты.

 

Ұлттық ғылыми-практикалық дене тәрбиесі орталығы бас директорының м.а. А. Ташметов Қазақстандық оқу-ағарту, ғылым және жоғары білім қызметкерлерінің салалық кәсіподағының төрағасы А. Мұқашевамен кездесу өткізді.

 

Кездесу барысында тараптар жарысты ұйымдастыру мен өткізудің мәселелерін, қатысу шарттарын талқылады. Орталықтың басшысы педагогтердің дене белсенділігін арттыру үшін спорттық шараларға тартудың маңыздылығын атап өтті. Сондай-ақ жарыс кезінде қатысушылардың қауіпсіздігін қамтамасыз ету шаралары да назарға алынды.

 

Сонымен қатар, Тараптар 2025 жылы спорттық іс-шараларды жоғары деңгейде ұйымдастыруды қамтамасыз ету үшін одан әрі ынтымақтастық бағыттары туралы келісті.