Астанада ҚР Оқу-ағарту министрлігі Ұлттық ғылыми-практикалық дене тәрбиесі орталығының ұйымдастыруымен оқушылардың дене шынықтыру және алғашқы әскери дайындығы мәселелеріне арналған дөңгелек үстел өтті. Іс-шараға білім, қорғаныс, ішкі істер, төтенше жағдайлар, туризм және спорт министрліктерінің өкілдері, сондай-ақ ҚР Парламенті Мәжілісінің депутаттары, ҰҚК Шекара қызметінің, республикалық ғылыми орталықтардың, ардагерлер ұйымдарының, қоғамдық бірлестіктердің өкілдері, мамандандырылған оқу орындарының оқытушылары мен оқушылары қатысты.

Шараның негізгі мақсаты - әскерге шақырылушылардың дене шынықтыру және моральдық-психологиялық даярлық жүйесін жетілдіру бойынша ұсынымдарды талқылау және әзірлеу. Білім беру ұйымдарының әскери және спорттық құрылымдармен өзара іс-қимылы, дене тәрбиесінің заманауи әдістемелерін енгізу және болашақ әскери қызметшілердің психологиялық даярлық деңгейін арттыру мәселелеріне ерекше назар аударылды.

Сөз кезегін ҚР Оқу-ағарту вице-министрі Еділ Оспан бастап, өз сөзінде талқылауға шығарылған мәселелердің маңыздылығын атап өтті:
«Еліміздегі 6 миллионнан астам баланың тәрбиесіне, білім алуына және тұлға болып қалыптасуына барлығымыз жауаптымыз. Оның ішінде – 1 млн-нан астам мектеп жасына дейінгі бала, 4 млн-ға жуық оқушы, 800 колледждің студенті бар. Бүгінгі күн тәртібі өте өзекті, өйткені жастардың физикалық дайындығы және олардың Қарулы Күштер қатарында қызмет етуге даярлығы мәселелері еліміздің қорғаныс қабілетін қамтамасыз етудегі басты мәселелердің бірі және солай болып қала береді»,-деді Еділ Оспан.

Шарада ҚР Қорғаныс вице-министрі Шайх-Хасан Жазықбаев оқушылардың әскери-патриоттық тәрбие мәселелерін, сондай-ақ осы бағыттағы өз идеяларын ұсынды. Алғашқы әскери дайындық сабағына қатысты болатын өзгерістерге тоқталды. Дене шынықтыру сабақтарын ұйымдастырудың проблемалары мен перспективалары туралы ҚР Оқу-ағарту министрлігі Ұлттық ғылыми-практикалық дене тәрбиесі орталығының бас директоры Арман Ташметов, ал оның орынбасары Аркен Ташубаев орталықтың ҚР Қорғаныс министрлігімен бірлесіп жүргізіп жатқан жұмысы туралы айтып берді.

Дөңгелек үстел қорытындысы бойынша оқушылардың моральдық-психологиялық даярлығын жақсарту, білім беру мекемелері, спорттық ұйымдар мен әскери құрылымдар арасындағы ынтымақтастықты нығайту, сондай-ақ оқушыларға әскери-патриоттық тәрбие беруді одан әрі дамыту үшін практикалық бастамаларды әзірлеу бойынша ұсынымдар қалыптастырылды.

24 ақпан күні Астана қаласында ҚР Оқу-ағарту министрлігінің Ұлттық ғылыми-практикалық дене тәрбиесі орталығының «Binom School» мектебінің ұстаздарымен кездесуі ұйымдастырылып, «Тоғызқұмалақ» ойынының ережесімен таныстыру іс-шарасы өткізілді. Іс-шараға «Binom School» басқарушы компаниясының директоры Кадырова Шолпан Маратқызы, ҰҒПДТО., Дене шынықтыру саласындағы ғылыми-зерттеу қызметі зертханасының мамандары Мақсат Есенбекұлы Шотай және Бисембаева Айгүл Сейітмұратқызы қатысты.

Ұлттық ғылыми-практикалық дене тәрбиесі орталығының 25 жылдығына арналған турнирге Қазақстанның бірнеше өңірлерінен 53 дарынды жас шахматшылар жиналды.

Ұлдар арасында:
🥇 Құсайын Алтынбек (Павлодар обл.)
🥈 Ахмет Сүлейман (Павлодар обл.)
🥉 Даиров Дарын (Алматы)
Қыздар арасында:
🥇 Абылай қызы Бибісара (Жамбыл обл.)
🥈 Наурызбай Аяна (Жамбыл обл.)
🥉 Мұхамбет Айлин (Маңғыстау обл.)

Жеңімпаздар ақшалай сыйлықтарға ие болып, Сербиядағы жазғы гимназияда ойындарында Қазақстан намысын қорғайды!
Жас шахматшыларды құттықтаймыз және оларға жаңа жеңістер тілейміз!

Бүгін Білім беру жүйесіндегі дене тәрбиесінің өзекті мәселелеріне арналған онлайн-кеңес өтті. Іс-шараға өңірлік орталықтардың басшылары, дене шынықтыру әдіскерлері, сондай-ақ ҚР Оқу-ағарту министрлігі Ұлттық ғылыми-практикалық дене шынықтыру орталығының қызметкерлері қатысты.

Негізгі мәселелердің бірі мемлекеттік жалпыға міндетті білім беру стандартына (МЖМБС) және бастауыш және негізгі орта білім беру үшін "дене шынықтыру" пәні бойынша үлгілік оқу бағдарламаларына өзгерістер мен толықтыруларды талқылау болды. Бұл тақырыпта ҰҒПО аға әдіскері, дене шынықтыру пәнінің мұғалімі, педагог-шебер Елена Копкина, сондай-ақ Алматы қаласының №116 №116 ЖББМ КММ директоры, магистр, педагог-шебер Зухра Мейрханова баяндама жасады. Сарапшылар оқыту тиімділігі мен білім алушылардың қатысуын арттыруға бағытталған оқу процесін ұйымдастырудың жаңартылған тәсілдерін ұсынды.

"Дене шынықтыру" пәні бойынша білім алушылардың оқу жетістіктерін критериалды бағалау қағидаларын әзірлеуге ерекше назар аударылды. Зухра Мейірханова тиісті баяндама жасады, ол оқушылардың дене шынықтыру дайындығын бағалаудың объективтілігі мен жеке ерекшеліктеріне бағытталған негізгі тәсілдерін ұсынды.

Кеңестің маңызды тақырыбы Алматы қаласындағы жалпы білім беретін мектептердің 5-11 сынып оқушыларының дене дайындығын кіру тестілеуінің қорытындысы болды. Талдау нәтижелерін Алматы қаласы білім басқармасының қалалық дене шынықтыру және спорт оқу-практикалық орталығының әдістемелік бөлімінің басшысы Ризабек Еспенбетов ұсынды. Талқылау барысында оқушылардың дене дамуының негізгі тенденциялары белгіленді, проблемалық аймақтар анықталды және оларды жою бойынша шаралар ұсынылды.

Кеңес қатысушыларға білім беру мекемелерінде дене шынықтыру жүйесін одан әрі жетілдіру бойынша тәжірибе алмасуға және бірлескен стратегияларды әзірлеуге мүмкіндік берді. Мамандардың кең ауқымын тарта отырып және дене шынықтыруды оқытудың озық әдістемелерін енгізе отырып, осы бағыттағы жұмысты жалғастыру жоспарлануда.