Қазақстан Республикасы Оқу-ағарту министрлігінің Ұлттық ғылыми-практикалық дене тәрбиесі орталығы «Балдәурен» республикалық оқу-сауықтыру орталығымен бірлесіп, Қазақстандық оқу-ағарту, ғылым және жоғары білім қызметкерлерінің салалық кәсіптік одағының қолдауымен 2024 жылғы 19-22 қараша аралығында «Үздік дене шынықтыру педагогі – 2024» республикалық конкурсын өткізеді.

Конкурстың негізгі мақсаты – дене шынықтыру педагогтерінің шығармашылық бастамасын қолдау, кәсіби өсуге жәрдемдесу, осы мамандық бойынша педагогтердің еңбегінің беделін арттыру. Қазіргі уақытта 19 облыстан қатысушылар іріктеліп, республикалық кезеңге дайындалуда.

Youtube платформасында тікелей эфирде конкурстың трансляциясы жүргізіледі. Эфир барысында әр облыс өз қатысушысына жанкүйер болып, қолдау білдіреді. Ең белсенді облыс «Көрермен көзайымы» жүлдесіне ие болады.

Ұлттық ғылыми-практикалық дене тәрбиесі орталығының ұйымдастыруымен Орта білім беру ұйымдарының дене шынықтыру педагогтеріне арналған семинар басталды.
Қатысушылар 5 күн бойы дене шынықтыру пәні оқу бағдарламасының мазмұнын жетілдіру, бейімді дене тәрбиесі және үздіксіз кәсіби дамуға қатысты маңызды тақырыптарды талқылайтын болады.
Астана қ. № 71 мектеп-лицейінде өткізіліп отырған республикалық семинар жұмысына 37 педагог қатысуда.

Сыр өңіріндегі үздік командалардың сайысы

Ұлттық ғылыми-практикалық дене тәрбиесі орталығының ұйымдастыруымен Қызылорда қаласында спорттың 5 түрінен республикалық ұстаздар спартакиадасы басталды. Еуразия спорт кешенінде, «Nursat» теннис орталығында, «Мұз айдыны» спорт кешенінде, «№2 Облыстық олимпиадалық резервтің мамандандырылған балалар-жасөспірімдер мектебінің базасында өткізіліп отырған сайыстарға дене шынықтыру ғана емес, басқа пәннен сабақ беретін педагогтер де қатысуда.

Қазақстандық оқу-ағарту, ғылым және жоғары білім қызметкерлерінің салалық кәсіподағы Педагогтердің спартакиадасына қаржылай жүлделер тағайындады.

ІІІ орын – 500 000 теңге
ІІ орын – 600 000 теңге
І орын – 700 000 теңге

Спорт адам өмірінде маңызды рөл атқарады, педагогтер осындай жарыстарға қатысу арқылы командалық рухты дамытып, өз өңірінің намысын қорғап, спорттық қабілеттерін шыңдай түседі.

🏆 2 қарашада аяқталатын Спартакиада жарыстарында төрешілер үздіктерді анықтайтын болады.

Барлық қатысушыларға сәттілік тілейміз!

Бүгін Қарағанды қаласының Қ. Байшолақов атындағы спорт кешенінде Самбодан жасөспірімдер арасында Қанат Байшолақовты еске алуға арналған Республикалық турнир өз мәресіне жетті. Жарысқа 8 өңірден ең мықты, батыл, әрі өр мінезді 123 оқушы қатысты. Білікті төрешілер командалық есеп бойынша үздіктерді анықтады:
І орын - Алматы қаласы;
ІІ орын -Қарағанды облысы;
ІІІ орын -Павлодар облысы.