ПРЕЗИДЕНТ ПАРИЖ ОЛИМПИАДАСЫНЫҢ ҚАТЫСУШЫЛАРЫНА МЕМЛЕКЕТТІК ТУДЫ ТАБЫСТАДЫ

Қасым-Жомарт Тоқаев Ұлттық құрама спортшыларымен кездесуде Парижде басталатын дүбірлі доданы бүкіл әлем асыға күтетінін әрі оған төрткүл дүние түгел көз тігіп отырғанын айтты. Сонымен қатар үздіктердің үздігі бақ сынайтын байрақты бәсекеге ең мықты спортшыларымыз бара жатқанын атап өтіп, ел намысын қорғау абыройлы міндет екеніне тоқталды.

– Біз сіздерге зор үміт артамыз. Бүкіл халқымыз – сіздерге жанкүйер. Жалпы, қазақ спорт мектебінің мәртебесі қашанда биік. Спортшыларымыз әрдайым елге жүлдемен оралып жүр. Осы даңқты жолды абыроймен жалғайсыздар деп сенемін. Шын мәнінде, сіздердің жеңістеріңіз тұтас Қазақстанның жеңісі болмақ. Көк туымыз желбіресе, ұлтымыздың рухы асқақтайды, – деді Мемлекет басшысы.

Ел президенті Қазақстан Республикасының мемлекеттік туын бокстан ұлттық құраманың капитаны Асланбек Шымбергеновке тапсырды.

Қазақстан құрама командасының негізгі бөлігі кездесуге Алматы облысындағы «Ақбұлақ» олимпиадалық орталығынан бейнебайланыс арқылы қатысты. Онда спортшылар Париж Олимпиадасы алдындағы соңғы жаттығу жиындарын өткізіп жатыр.

7 шілде басталған жарысқа 13 команда, 116 спортшы бақ сынауға келді.

Қатысушы командалар:

1. Қызылорда облысы - 12 оқушы

2. Солтүстік Қазақстан облысы - 8 оқушы

3. Алматы қаласы - 12 оқушы

4. Атырау облысы - 11 оқушы

5. Маңғыстау облысы - 12 оқушы

6. Ақтөбе облысы - 9 оқушы

7. Түркістан облысы - 12 оқушы

8. Ақмола облысы - 9 оқушы

9. Астана қаласы - 8 оқушы

10. Алматы облысы - 9 оқушы

11. Шымкент қаласы - 10 оқушы

12. Жамбыл облысы - 8 оқушы

13. Қарағанды облысы - 8 оқушы

Барлық қатысушыларға сәттілік тілейміз!

Бас қаламыз Астанадағы Жақсылық Үшкемпіров атындағы жекпе-жек сарайында күрес түрлерінен жасөспірімдер арасында чемпиондар лигалары өтіп жатыр.

Жас балуандар қазақ күресі, дзюдо, еркін күрес және грек-рим күресі бойынша боз кілемде бақ сынауда. Қазақстанның түкпір-түкпірінен келген спортшылар 10 салмақ дәрежесі бойынша 3 күн бойы үздіктерді анықтайды.

Жауырыны жерге тимеген Қажымұқан, Балуан Шолақтай даңқты тұлғалардың ізін басып келе жатқан 500-ге жуық жас балуан 9-11 шілде аралығында күрестің көрігін қыздырмақ.

Сайыпқырандарымыз сынға түсіп жатқан сайысқа келіп жанкүйер болайық. Керемет белдесулердің куәсі болыңыздар!